He hunah hian Loan based progress partners, Zau Policy leh line department-te inkaihhruaina (Guidelines) lam thilte an sawiho niin vawiina Sorkar thuchhuah chuan a tarlang.

Chief Minister chuan, leiba chin fel ngai a tam avangin kan policy-te a kalpui nghal vut vut theih lova. Kan leibate hi kan rul chho zel a, hma pawh kan sawn hle, a ti a.

“Kumin hi inpuahchah kumah kan puang bawk a. Chuvang chuan kumin bikah hian hand holding policy hi lian takin kan kalpui thei dawn lo a ni”, Chief Minister chuan a ti a, kan sum dinhmun that dan azirin hmalakna hi kan nei lian chho zel dawn a ni, a ti. 

Chief Minister chuan thlai thar lei tur pali kan thlan tawh te erawh chu kan lei ngei ngei thung dawn a ni, a ti bawk.

Meeting ah hian Lalmalsawma Pachuau, Member Secretary chuan policy inkaihhruaina duan tlangpui leh tun financial year-a budget Hand Holding sum dah hman chhuah dan tura duan te sawi fiahna a nei hmasaa, chumi hnuah sawihona neih zui a ni.

An thu ngaihtuah langsar te chu Loan hmanga Hand Holding kalpui turah Credit Guarantee Fund Scheme for MSME hmanga 100% loan guarantee - progress partners te pek theih dan leh buaipui chhoh mek a nih dan te, PMEGP, KCC leh loan danga interest subvention pek theih tur zat te, progress partners thlan te tana training dan tur te, monitoring kalpui dan tur leh Hand Holding Policy official launching neih hmaa tihtur tul awm thei te an ni.

Hei bakah hian Zau Policy kalpui dan tur ruahmanna leh Hand Holding Policy line department te inbuatsaihna tur thil pawimawh te pawh an sawi a ni.